Buy 1 Get 1 Free

الجاكت الطويل البالطو

بالطو رجالي قطعة ثمينة في دولاب الرجل الأنيق ، وبالرغم من ذلك فليس كل الرجال يعرفون أن البالطو الرجالي قطعة لاغنى عنها. عشان كده بدأت السلسله دي للكشف عن المودلات المختلفة ل البالطو الرجالي فمع التقلبات الجوية وهبوط الامطار فده هو الموسم المثالي لمناقشة موضوع الجاكت الطويل البالطو وعشان نعرف كمان اصله وانواعه وده اللي هيساعدك انك تلاقي النوع اللي يتناسب مع اسلوبك وميزانيتك. وخلال موضوعنا هنتكلم عن

  • I. تاريخ البالطو 
  • II. بيتصنع من ايه البالطو الرجالى  ؟
  • III.  ايه اللي بيتناسب مع البالطو الرجالى الشتوى
  • IV. منين وازاي تشتري البالطو الرجالى

لازم نعرف ان الجاكت الطويل البالطو اخد شوط طويل بين ساحات المعارك في القرن التاسع عشر وبسبب عمر الجواكت دي فبقت ايقونه مقدره من الرجال لشكله الكلاسيكي واستخداماته المتعدده لجميع الأذواق. وعشان تلاقي الجاكت المناسب ليك لازم كمان تعرف تاريخه.

تاريخ الجاكت الطويل البالطو الشتوى

زي الوضع مع كتيرمن الملابس حالياً ففي كلام كتير حوالين الأصول الدقيقة للبالطو وعشان مستحيل تعرف انهي اللي على حق ، فهنحاول نحدد السيناريوهات المحتملة – بحيث تتمكن بعد كده من تصديق النظرية اللي ترضيك أكتر !

بدايات البالطو الشتوى – الجاكت الطويل

من الظاهر ان بالطو السائق في القرن الثامن عشر – واللي ظهر بردو قبل الجواكت التقيلة – كانت بداية فكرة  البالطو او الجاكت الطويل  على عكس تماماً التصميمات الحديثه واللي حتي مميزاتها مش عملية.

بيتم حالياً تصنيف البالطو علي انه جاكت طويل وده بيقودنا لنقطة البداية في اوائل القرن التاسع عشر، في الوقت ده كانت الإضاءة اللي بالغاز واخده شعبية زايدة وفي جلاسكو باسكتلندا كان بيشتق الغاز من الفحم.
في سنة 1818 لاحظ الاسكتلندي جيمس سيم أن السخونه الناتجه عن الفحم ينفع تذيب المطاط. ود اللي خلي المخترع / المكتشف يدي فكرة استكشافه دي لخبير عنده نفوذ ويعتبر رجل اعمال – وهو تشارلز ماكينتوش واللي نجح في الحالة دي بجني ربح كبير باستخدامه التبيض الجاف.

وبحلول سنة 1823 لقي ماكينتوش طريقة للاستفادة من فكرة المطاط اللاصق ده في الملابس بحيث كان يتم وضعه بين طبقتين من القماش وده أدى إلى جاكت مطر واقي من الماء ماتحسش ابداً بانه مطاط. بصرف النظر عن حقيقة أن الجاكت ده كان ريحته سيئه تماماً.
قدمت المواد الخام للبالطو مؤسسة تشارلز ماكنتوش وشركاه واللي اتأسست في سنة 1824 مانشستر إنجلترا و اللي كانت موطن لمصانع القطن.

وعلى الرغم من أن ماكنتوش كان ببيع عدد كبير من الملابس العملية جدا دي إلا أن الرائحة ماكنتش العيب فالجاكت بيبقي لزج زي العسل في الحر و ناشف زي الورق المقوي  في البرد   ففي أواخر ثلاثينيات القرن التاسع عشر بقي البالطو غير صالح حصل ساعتها تقدم في الإنتاج ، وبحلول سنة 1854 أعلنت شركة هيلويل عن ال

Paletot

( بالطو فرنسي )

ذو الخمس طبقات واللي كان أكثر اناقه وطبعاً انتشر اكتر لانه كان عملي وبشكل عام  كان بيعتبرالتجسد الثاني لجاكت المطر فكان منتشر لدرجة أنه كان بيتم اعتباره أنه من ماركة ماكينتوش. وحالياً  بقت النسخة المزودة بـ “ك” من ماكينتوش منتشره أكثر وبقت الشركة مملوكة لشركة يابانية.

ماركة أكواسوتوم

في وقت ما كان إنتاج ملابس المطر في مانشيستر على وشك الوصول إلى ذروته ، كان في شابان من جنوب إنجلترا بيعملوا على تصميمهم الخاص للبالطو.

واحد منهم كان جون إيماري واللي افتتح متجر للخياطه في شارع ريجنت في سنة 1851 وعمل علي تطوير جاكت المطر الخاصة به أطلق عليها اسم أكواسوتوم (من الكلمة اللاتينية اكوا واللي معناها مياه  وسوتوم و معناها وقاء) وبعد كده ب وقت قصير كانت أكواسوتوم بتنتج الجواكت للجنود البريطانيين وصلت الجواكت إلى منطقة الكاحل واتصممت في الغالب بجبين مزدوج من عند الصدر.

كان بيتم إنتاج البالطو لأعداد كبيره من الجيش البريطاني اللي بدأ في سنة 1853 واستخدم في حرب القرم  حتى أنه ظهر خلال الحرب الأهلية الأمريكية (1861 – 1865)  وحروب البوير والحرب الروسية اليابانية

(1904 – 1905)
فتقريبا اقدم  بالطو رجالى موجود اليوم هو أكواسوتوم علي خط انتاج جيرالد جودلاك الرئيسي واللي محفوظ في نيوستيد دير بانجلترا. فكان بيلبس البالطو ده أثناء حرب القرم واللي كان بيقود وقتها جيش القناصة في واحده من غارات حرب العصابات واللي بتقف ورا خطوط العدو فنفصل جودلاك ساعتها والشويش عن الباقيين على ايد مجموعة كبيرة من القوات الروسية كانوا بقربهم. فضرب الجندين البريطانين النار بالهراوات على أقرب مهاجميهم وهربوا لوادى قريب فعلي الرغم من ان الوادي كان مليان بجنود العدو، اتفاجئ الجنود البريطانيون أنهم تجاهلوهم بسبب الجواكت الرمادية اللي كانوا لابسينها فالروسين ماخدوش بالهم منهم. ومكنهم التمويه ده من انهم يمشوا في صفوف العدو إلى أن أتيحت لهم الفرصة للهروب والانضمام إلى رجالهم.

يتم عرض الجاكت الرمادي من جودلاك بجانب زي الجنرال. فكان مصنوع كله من الصوف المقاوم للماء لاكبر حد بمصنع غرب إنجلترا الشهير. كما ترون في الصورة على الرغم من أنه كان قبل الجاكت الطويل “ البالطو “ إلا أنه مابيحملش كتير من ميزات العلامات التجارية  ولكنه اتطور بعد كده.

توماس بوربري

في عام 1856 افتتح توماس بربري واللي كان بالغ من العمر 21 سنه متجر لملابس الخروج في باسينغستوك. فمن طفولته اللي كانت في الريف لاحظ أن الملابس الكتان لعمال المزارع لها صفات معينة كان عايز ينقلها للجواكت والبلاطي. فكانت ملابس المزارع خفيفة في الوزن ومش ضيقة وبتدفي في الشتاء ومنفسه للهواء في الصيف وكمان مقاومة للماء لما الجو يرطب لأنها كانت بتنكمش بمجرد ما تتبل. على الرغم من أن أكواسوتوم كان أول من أنتج جواكت المطر المقاومه للماء على نطاق واسع الا ان ماركة توماس بربري اتطورت في سنة 1870 ووصلت للمنافسه الشرسه.

على عكس النسخة المحسنة من منتج ماركة ايمري اتبع بوربري نهج مختلف فبدل الصوف باستخدم نسيج قوي منسوج من خيوط قطن مصري طويل التيل واللي كان مقاوم للماء قبل وبعد الحياكة. وأطلق عليه اسم ” جابردين ” – واللي بيعرف انهارده باسم ” جبردين ” – وكانت مزاياها أنها خفيفة الوزن مفيهاش رائحة سيئه وبتستحمل ومقاومة للماء. في سنة 1879 اتسجل مصطلح جبردين كعلامة تجارية واللي استمر لمدة 40 سنه. كان المستكشفين العالميين زي أموندسن وشاكلتون بيلبسوا الجبردين في معارضهم، فكان استخدامها واسع النطاق خلال حروب البوير.

العديد من المحاربين القدام في حرب البوير كانوا بيحاربوا بردو بالجواكت الواقيه من المطر دي في الحرب العالمية الأولى وأشهرههم كان المشير كيتشنر اللي اتعرف كشخصية بريطانية اتشهر بالشارب والجاكت الطويل “ البالطو “. كان الموديل المفضل ليه هو موديل تيلوكن واللي تم تسجيله على انه براءة اختراع في سنة 1912 كجاكت بحزام ومشبك بدل الأزرار والعراوي. كان كتير من الضباط بيحبوا يقلدوه ولما مات بسسب غرق السفينة اللي كان فيها خلال الحرب كان تقريباً لابس جاكته الواقي من المطر وده اللي ساعد بترسيخ  المكانة الأسطورية للجاكت ساعتها. ودي كانت بداية التكوين التقليدي الجاكت الطويل “ البالطو “.

على الرغم من أن مؤيدي ماركة “بربري” المشاهير الا ان أكواسكوتوم كان بردو ليه متبعيه المخلصين له واللي كانوا بيرسلون رسائل تأييد جنوني للخطوط الأمامية واللي بقت جزء من الحملات الإعلانيه لأكواسكوتوم.
وخلال الحرب العالمية الأولى تم تفصيل جواكت واقيه من المطر بأطوال مختلفة وأحيانًا كان بيوصل طولها لفوق الركبة ولكن الاغلب كان أقصر من كده. وبالاضافه لظهور الكتافات وحلقات D-. واللي تقريبا زي ما كانت مشهوره بالالوان البيج والزيتي والبني والبطانه كانت مشهوره بالجابردين من الأزرق والرمادي ،في حين أن بيشتبه في أن اول مره اتصمم فيها علي ايد مصمم كان القرن العشرينات إلا أن في الواقع اتجربت ملابس المطر الشتوية التبطين القياسي في ثمانينات وتسعينات 1800. وكان في فترة بمنتصف القرن العشرين فيها غالباً ألوان بطانات البالطو ألوانها مجسمه ولكن النهارده بقت البطانة مشابهه تمامًا للغلاف الخارجي.

بيتساءل البعض ايه اللي مخلي الجاكت ده منتشر جدًا في السنين اللي ما بين الحربين وكانت دي بعض الأسباب الرئيسية أولاً  في بريطانيا طلبت الحكومة بآلاف من الجواكت الطويلة ولقت ان في فائض ضخم بعد الحرب. فتم توزيعها على الشعب في سنة 1920. ثانياً ان الضباط كانوا سعداء باستخدام زيهم في الحياة المدنية وبالذات أن كان ملمسه قاسي وشديد وان كان نسيجه سلعة نادرة. ثالثاً ان كان نجوم هوليوود بيظهروا بالجاكت الطويل “ البالطو “ في الأفلام بالولايات المتحدة واللي كان كتير منها كنوز ثقافية زي فيلم كازابلانكا وهامفري بوجارت  أو الصقر المالطي.

بما أن استراتيجيات القتال في الحرب العالمية الثانية كانت مختلفة وأقل تركيزًا على الجاكت الطويل “ البالطو “ من الحرب العالمية الأولى ، فقد كانت جواكت النجاة الأقصر متعددة الوظائف (والبعض منها مموه حتى الآن) هي الافضل ، وفقد البالطو أهميته العسكرية. وبالطبع يمكن تكون شوفت صور لضباط ألمان في عصرهم القديم لابسين فى البالطو جلود سوداء ولكن كانوا بيلبسوها للتصوير بس مش للوضع العملي. ومع كده بقي الجاكت الطويل “ البالطو “ شائعًا عند الشعب بعدها. قامت اكواستوم بدمج النايلون الجديد مع القطن عشان يعملوا أقمشة مقاومة للماء والرياح زي اكوا 5  قبل ما تبقي

Gore-Tex و Windstopper

أسماء معروفه.

في العقود التالية لحد اليوم كان للبالطو شعبية مع المصممين كتير جدا للرجال والنساء على حد سواء. واالنهارده الجاكت الطويل “ البالطو “ ماركة بربري هي قطع مفضله للمصممين بدل الملابس العملية. ويمكن يحاول أي شخص بيهتم باللبس انه يعرف حاجه انه يلاقي مودلات ماركات بربري أو أكواسكوتوم القديمة ذوات الجودة عالية لأن دي هي القطع الكلاسيكية المتينة التي فيها كل التفاصيل الواضحه.

بيتصنع من ايه الجاكت الطويل “ البالطو “ ؟

من المهم التأكيد على أن الجاكت الطويل “ البالطو “ لم يبتكر في المطلق فبدل من أنه يتشكل على أهواء كل مصمم فاتطور من حيث الضرورة والعملية.

احذر لا ترتدي ملابسك الجديدة مباشرة فور شرائها

قماش البالطو الرجالى الشتوى

100 ٪ جبردين قطن

في خيار واحد بس بالنسبة للتقليديين اللي مابيحبوش التجديد وهو قماش الجاكت الطويل “ البالطو “ يكون : 100 ٪ جبردين قطن زي ما صممه توماس بوربري. فهو منسوج بإحكام من قطن صوفي خفيف الوزن ومتين. وزي ما ذكر الخيط والغزل النهائي بتاعه بيبقي مقاوم للماء وده اللي بيخلي له خصائص طاردة للمياه في اي فترة ذروة.

البالطوالشتوى المصنوع من المطاط

من 15 سنه أعاد ماكينتوش إدخال الطبقة المطاطية كعنصر فاخر بألوان زاهيه. وبما أنهم كانوا ناجحين بشكل خاص مع النساء اليابانيات فاتباعت الشركة لشركة تانية يابانية.
الملاك السابقين بدأوا بهانكوك واللي أنتجت الملابس المطاطية في اسكتلندا.

الأقمشة الحديثة للجاكت الطويل البالطو

تصميم جواكت من المطاط الأصلي باكواستوم كان غير محبذ به لأنه هيسخن بسهولة. فلو كنت عايز أداء جاف في الاخر فأقمشة زي نسيج

Gore Text أو Event

هتكون مناسبة بشكل كبير  ومع كده فأعتقد ان شكلها مش هيبقي مقبول على الملابس التقليدية.

البالطو الرجالى الجلد

كان في فتره بيستخدم الجلد كتير للبالطو  . فالضباط الألمان في الحرب العالمية الثانية كانوا مشهورين بالجواكت الطويلة من الجلد السوداء. واحتراماً لضحايا الرايخ الثالث كان لازم مايتلبسش البالطو ذو الجلد الاسود بعدها.

واللي بالألوان البنية من الجواكت الطويلة بتشبه موديلات السبعينيات والثمانينيات. وعلاوة على كده بيكون في العادة أثقل في الوزن ومش هتستخدمه كتير عشان مش عملي. وعشان كده بيفضل الابتعاد عن البالطو الجلد تمامًا.

الوان البالطو (الجاكيت الشتوى الطويل ) عديدة ولكن

  الالوان المنتشره اكتر هي الجملي / الكاكاوي / النبيتى /  وبردو الألوان كثيرة الاستخدام التانية زي الالوان الرمليه والحجريه وبردو الأزرق الداكن أو الأسود.
حاليا بينفع تلاقيه بالالوان الأسود والأحمر الأصفر. أنا شخصياً عندي ثلاثة الوان من البالطو – الأول هو بالطو قديم أسود من ماركة بربري والثاني لونه نبيتى والثالث هو الكاكاوي الداكن وبردو من ماركة بربري و خلي في اعتبارك الالون الفاتحه أكثر عرضه للتلطيخ. وللسبب ده ما بفكرش أبداً في اني اخد غير جاكت أسود معي في السفر. زيه زي أي ملابس تانيه فكر في امتى وفين هتلبسه قبل ما تشتريه.

أكمام الريجلان

اكمام الريجلان اتصنعت لأول مرة في القرن التاسع عشر وزي ما هو الحال مع جاكت تشيسترفيلد ، فبيتم تنسيب الاسم الأرستقراطي ده نسبة لفيتزتروي سومرست الاول بارون ريجلان.

وزي الحال مع كتير من الملابس التانية في قصص حوالين الاصل. واحده منهم ان أتصاب   راجلان في ذراعه اليمين واللي كان لازم يبترها وده كان في واترلوو.

وبيقال أنه طلب يتصمم له جاكت بحيث يتلبس بسرعة اكتر فنفذ الترزي الخاص بيه الكلام وقام بخياطه وتصميم جاكت اقصر مع وضع خياطه كم قطري بسيط بيمتد من الرقبة لحد الإبط من غير رأس للكم من اعلي محدده.

ووفقا لكلام المصمم جرايم فيدلر ان راجلان كان عايز يساعد الجنود عشان يتدفوا فعشان كده ابتكروا النوع اللي مصنوع من شوال بطاطس اتشق من عند الرقبة واتقطع بشكل قطري وبزوايا تسمح للأسلحة بالتحرك بحرية.
فليه أي حد ممكن يحب موديل زي جاكت شوال البطاطس ده؟ معنديش اي فكرة

من تجربتي الشخصية ما لحظتش فرق كبير بين تفصيلة التصميمين. بس ممكن يتلاحظ الفرق في تفصيل الجاكت الطويل “ البالطو “ بعيدا عن حامل الاسلحه. فغالباً ما بتكون فتحات ذراع  موديل الرجلان كبيره وما بتسمحش لمرونه اكتر في الحركة.

بشكل عام أعتقد أن مرونه الحركه اللي في الجاكت بتبقي مش مجرد شغل خياط محترف اكتر من انها اختيار للموديل. ومن تجربتي بالجاكتين ماركة بربري القدام اللي عندي واحد فيهم كمه عادي والتاني كم راجلان ، وبالنسبالي مش حاسس ان في فرق.

ومع كده اتفق مع أنه من السهل تفصيل جاكت بأكمام ريجلان ، وهو ده السبب الاساسي اللي خلي راجلان عايز يعمل جاكت

(حسب اللي اتقال في قصة من القصص).

البالطو المزدوج الصدريه

هو جاكت أصله عسكري تقليدي مزدوج الصدريه بعشر زراير من الامام. طبعا كانت كل أنواع الإصدارات مزدوج الصدريه والمنفرده متاحه بتصميمات زراير واحزامه كتيره.

الاوبلتات

ظهرت بردو الكتافات اللي مش مظبوطه وكانت غالبا  في الزي العسكري وبردو بقت في الجاكت الطويل “ البالطو “ واللي مكنتش وظيفتها مجرد الإشارة إلى رتبة. فكمان كانت بتستخدم لتأمين أقنعة الغاز والقفازات أو صفارات.

مكان السلاح

بيحقق مكان السلاح وظيفتين وهما حفظ السلاح و منع مياه الأمطار تتدفق تحت الكتفين وتوصل للسلاح.

المشبك وحلقه المشبك و سوسته الرقبه

تحت اللياقه الكبيره هنلاقي مشبك وحلقه بيسمحوا لك بانك تخلي اللياقه مقفوله على طول بسهولة. وغالبا ما بيتم تأمينها بنظام حزام ومشبك مخفيين تحت اللياقه – والمعروف بردو باسم سوسته الرقبه. فالحركه دي بتساعد في الحمايه من الرياح الباردة بلبسها مع كوفيه.

الحزام مع الحلقات اللي علي شكل حرف ال D

في البداية كان بيستخدم الحزام بحلقاته اللي علي شكل D لتعليق أدوات المعدات زي القنابل اليدوية أو حتى السيوف.

بس مع وقت ظهور الجاكت الطويل “ البالطو “ والسيف بقي مجرد ديكور مالوش اهميه.
وحالياً بيتيح لك الحزام انك تظهر بصورة ظلية جذابة عن طريق تحديد محيط الخصر. ومن الناحية النظرية لسه بإمكانك استخدام حلقات D- ، على الرغم من أن مسكة الحزام ممكن تتفك بسرعة.

رباط الكم

ممكن تشد الاربطه على اسورة الاكمام عشان اللبس اللي من تحت ماتظهرش. بس عن نفسي نادراً ما بشدّ الأبازيم دي لأنها بتصعب خلع الجاكت بس في العموم هي مفيدة ليوم بارد وممطر.

حدبة السرج الخلفي الداخلية

الحدبه الخلفيه الداخليه بتمنع المياه من التسلل لضهر اللي لابسها. الميزة دي مش موجوده في الهدوم التانية فهي حاجه فريدة من نوعها في الجاكت الطويل “ البالطو “.

الوتد الخلفي

عشان كان يتمكن الجنود من التحرك بسرعة بيكون في كل جاكت فتحة. لإبقائك جاف ومتدافي تم تصميمه مع وتد.

و من تجربتي شخصية شايف أن فتحات الوتد كبيرة لأنها بتساعد في الوقايه الرياح والأمطار مع السماح بالحركة اكتر

الجيوب

ممكن وضعها من بره مع زرايرعشان تبقي تتقفل وتبعد المطر. كل الجواكت الواقيه من المطر لها جيوب ممكن الوصول ليها من الداخل والخارج. أنا بحب الميزة دي عند السفر لأني بقدر البس جاكت متزرر أو مش متزرر ، و دائمًا بقدراوصل إلى محفظتي وجواز السفر وما إلى ذلك.

الأبازيم الجلد

كانت الأبازيم الجلدية متوفرة في الوقت ده وأنا بحب مظهرها وطبعا الأبازيم المعدنية من الناحية الفنية بيبقي أداءها كويس إن لم يكن بيبقي بشكل أفضل على المدى الطويل. ونظرًا للاستخدام المستمر مع الأبازيم في كثير من الأحيان فغالباً ما بتتلبس الجلود خاصة مع الملابس القديمة.

البطانة المربعه

للبالطو الرجالى ميزة البطانة المربعه وده تقليديا. فبتقدم ماركة بربري حاليا ستة بطانات مربعه بأحجام مختلفة. فبيتميز موديل الفارس بطابع مميز ولكن الاختيار التقليدي هو على الأرجح المنتشر اكتر للبالطو ، وبيتميز بالالوان الجملي و الأسود والأبيض والأحمر بدون أي علامات تجارية.

في الأيام الباردة ينفع تركب بطانة صوف قابلة للإزالة مع أزرار (للجواكت مع  الاختيار ده) ، ود بيخليها أكثر تنوعا. الجاكت بتاعي القديم مش “بربري” بس مصنوع في إنجلترا فيه بطانة خضراء جميلة مصنوعة من 95٪ من الصوف مع 5٪ من شعر الإبل وبوصي بيها.

صنع في انجلترا

تم صنع البالطو الأصلي في إنجلترا ولكن زي مانتوا عارفين الآن مابتفتصرش الجودة على بلد معينه وتقدر تلاقي على كل من الانواع السيئه و الانواع ذو الجودة العالية في أي مكان تقريبًا.

ماركة بروبري بتصنع معظم جواكتها في تركيا في الوقت الحاضر و اكواستوم في إيطاليا. الاتنين ماركات أزياء  زي ماكينتوش.
بتقدم هانكوك جواكت مطاطية و لكني متأكد من أن في خياطً  ممكن يخليها مناسبة لك بردو. كان الجاكت الطويل “ البالطو “ من بربري قبل عام 1999 عادة ما بيتم صناعته في إنجلترا ، ولكن ألق نظرة على قسم الشراء اللي تحت عشان تحصل علي مزيد من التفاصيل.

ايه اللي بيتناسب مع الجاكت الطويل البالطو الرجالى

ماتشتريش البالطو الجلد ويكون ضيق لأنه دايما بيتلبس وتحته ملابس تانيه ، زي الازياء الرسمية والبدل الخ، فزيه زي أي ملابس تانيه انت اللي بتقرر تلبسه ازاي.

ولو كنت عايز تلبسه علي بدله فخد معاك واحده عند القياس وقيسه علي جاكت البدله ومن غيره وبردو قرر لو كنت عايز بطانة قابلة للفصل ولا لا  لأنه مش سهل انك تضيف واحدة بعد كده.

لازم يوصل الكم إلى جذر صباع الإبهام ، بحيث يتم تغطية ذراعاتك بالكامل تمامًا طرف كم قميصك مش ظاهر لما تتحرك. أي حاجه أطول من كده هتخليك كأنك ماتعرفش حاجه عن تعديلات الخياطين.

ازاي تختيار طول الجاكت الطويل “ البالطو “ الصحيح

حط في اعتبارك أنه مافيش طول واحد تقليدي للبالطو بس بتتراوح الإعلانات والصور في الوقت الحالي بين اطوال من أعلى الركبة لحد منتصف الساق وأحيانًا لحد الكاحل.

بس معظمهم اطواله بتبقي حولين منطقة الركبه تقريبا.

البالطو المناسب للرجال قصار القامة

كل اللي عليك هو انك تختيار الجاكت اللي تحس انه مناسب بس تحط في اعتبارك ان النوع اللي طوله لحد الكاحل ممكن مايكونش كويس للقصيرين بس ممكن يساعدك النوع اللي فوق الركبة على مظهر إطالة الساقين.

البالطو المناسب للرجال طوال القامة

العكس الصحيح بالنسبة للرجال الأطول واللي لازم يتجنبوا الجواكت القصيرة اللي بتظهر طول الساقين أكثر.

أنا طولي 6 ′ / 183 سم ، و البالطو بيوصل طوله لتحت الركبة والجاكت الثالث طوله عند الركبة. يمكن أفضّل الإصدارات اللي أعلي الركبة ولكن ده مجرد رأي شخصي.

التعديلات على الجاكت الطويل البالطو

زي الحال مع معظم الملابس التانية لازم تحط في اعتبارك أنك ينفع تجيب مقاس اقل درجة او درجتين ولكن نادرًا ما تجيب المقاس الأكبر. فمش هيتم أبداً تعديل وتظبيط مظهر خط الحزام المتشوه والأزرار والجيوب إلخ وفي الاخر هيبقي شكله سئ رغم كل جهودك.

منينن اشتري البالطو الشتوى الرجالى  ؟

تقدر تشترى البالطو من اماكن عديدة ولكن الاهم هو البحث عن اسم ومكان موثوق لتحصل على البالطو المرغوب والمميز حقا  فالموضوع يستحق.

يمكنك ان تلقي نظرة على موديلات لايوندوف حيث تجد موديلات من البالطو مميزة ومتجددة سنوياً وفى المتناول العام  ويمكنك ايضا شرائها من هوجو بوس ومتاجر اخرى.

يمكنك الشراء من لايوندوف عن طريق فروعها المتوفرة فى مصر او عبر موقعها الالكترونى وتصلك اينما كنت.

التفاصيل التاليه بتتعلق بنوع الجواكت الواقيه من المطر اللي قبل عام 1999 فقط!

المقاس

لمساعدتك في انك تلاقي الحجم الصحيح اتحقق من الجدول ده. وضع في اعتبارك أن القياسات الدقيقة أكثر دقة من أي مقاس!

REG

Burberry Sizing       44 REG          46 REG          48 REG          50 REG          52 REG          54 REG          56 REG    58 REG

U.S. / UK Sizing       34       36       38       40       42       44       46       48

European Sizing      44       46       48       50       52       54       56       58

S

Burberry Sizing       44       46       48       50       52       54       56       58

U.S. / UK Sizing       34 S    36 S    38 S    40 S    42 S    44 S    46 S    48 S

European Sizing      22       23       24       25       26       27       28       29

L

Burberry Sizing       44 L    46 L    48 L    50 L    52 L    54 L    56 L    58 L

U.S. / UK Sizing       34       36       38       40       42       44       46       48

European Sizing      90       94       98       102     106     110     114     118

معرفة البالطو الاصلي من المزيف

نظرًا لشعبية البالطو الرجالى ، هتقابل طبعا بالطو مزيف. ولحسن الحظ معظم المنتجات المزيفة منخفضة الجودة وبيسهل تحديدها. بس دي الحاجات اللي لازم الانتباه ليها:

خياطة مرتبه: الجواكت الطويلة الاصلية لها ميزة الخياطة المرتبه والانيقه. على سبيل المثال بيتم دعم حلقات الحزام بعناية باستخدام غرزة مربعة صغيرة مخيطه بقوه وبتتميز النوعيه المزيفة عادةً بخياطه رقيقه وعدم اهتمام بالتفاصيل.

مطابقة نمط

Nova Check:

الجاكت الطويل “ البالطو “ الأصلي بيتماشى مع تبطين ال

Nova Check

بأناقة وهو دائمًا بألوان البيج والأبيض والأسود والأحمر. فالألوان المختلفة

أو ال

Check

غير المتطابقة هي السمة المميزة للتزييف.

ملصق المقاس الابيض: البالطو الرجالى الأصلي اللي قبل عام 1999 بها ملصق أبيض في الجيب الأيسر مع خانتي الاسم و الطلب والمقاس دائمًا بخانة الاسم، وعلى البطانه مخبأة ملصق المقاس تحت ملصق بربرز الأزرق الداكن. إذا لم تتمكن من العثور على هذه الملصقات ولم تتم إزالتها فالجاكت نوع مزور.

جودة نسيج الجباردين: خامة جباردين البربري بتستحمل بس بردو رقيقة. يمكنك العثور عليها في القطن بنسبة 100 ٪ والقطن 51 ٪قطن 49 ٪ بوليستر و 67 ٪ من القطن 33 ٪ من القطن.بس و كل التراكيب التانية مش أصلية.

امتى تلبس وامتى ما تلبسش البالطو الرجالى ؟

حاليا بلبسها لجميع أنواع الأنشطة النهارية ما عدا اللبس الصباحي الرسمي. فهو مناسب مع الملابس الكاجوال بالإضافة إلى بدل العمل وهو رفيق مثالي للسفر بسبب وزنه المعتدل إلى خفيف ونفاذية الماء وتعدد استخداماته. فعلى الرغم من الاستخدامات المتعددة لازم يؤخذ في الاعتبار أن جاكت غير مناسب للبسه في السهرات الرسمية زي ربطة العنق سوداء أو ربطة العنق البيضاء.

 

وللحفاظ على البالطو اكبر فترة ممكنة يجب ان تقرأ

الدليل الشامل لتعليمات العناية بالملابس

 

وايضا يمكنك الـ تعرف على الكارديجان الرجالى

 

Leave a Reply

Your email address will not be published. Required fields are marked *

For security, use of Google's reCAPTCHA service is required which is subject to the Google Privacy Policy and Terms of Use.

If you agree to these terms, please click here.

%d bloggers like this: